ഫോട്ടോ മാജിക്. പോലീസുകാരന്റെ കയ്യിലെ തോക്ക് പിണറായി വിജയന്‍ പിടിച്ചു എന്ന് തോന്നുന്ന രൂപത്തില്‍ മാധ്യമം പത്രത്തില്‍ (2 June 2012) കൊടുത്ത ഒന്നാം പേജ് ഫോട്ടോയെ മാധ്യമ സിണ്ടിക്കേറ്റിന്റെ സി പി എം വിരുദ്ധ അജണ്ടയുടെ ഭാഗമായി ചിലര്‍ വിമര്‍ശിക്കുന്നുണ്ട്. അത്ര വലിയ അജണ്ട ഈ ഫോട്ടോക്ക് പിറകിലുണ്ടോ?. ഉമ്മന്‍ ചാണ്ടിയുടെതായിരുന്നു ഈ പോസെങ്കിലും അത് പത്രങ്ങള്‍ പ്രസിദ്ധീകരിക്കുമായിരുന്നു. കണ്ണൂര്‍ സെന്‍ട്രല്‍ ജയിലില്‍ നിന്നും ഇറങ്ങിവരുന്ന പിണറായിയുടെ ഈ ദൃശ്യം മനോഹരമായ ഒരു ആംഗിളില്‍ പകര്‍ത്തിയ ഫോട്ടോഗ്രാഫര്‍ ബൈജു കൊടുവള്ളി അഭിനന്ദനം അര്‍ഹിക്കുന്നു.
